Lukas Ernandes bu yilgi "Oltin to‘p" uchun birinchi raqamli nomzod kimligini aytdi

"Atletiko" Madrid klubi va Frantsiya terma jamoasi himoyachisi Lukas Ernandes 2018 yilgi "Oltin to‘p" sovrini uchun asosiy da’vogar kimligini aytdi.

"Antuan Grizmann "Oltin to‘p"ni olishi mumkinmi? Albatta, u ajoyib futbolchi va buni so‘nggi bir necha yillardan buyon isbotlab kelmoqda. 2-3 yil oldin u ushbu sovrinni yuta olmasdi, chunki Chempionlar ligasi va Evropa chempionati finallarida mag‘lub bo‘lgandi.  Klubi va terma jamoasi uchun uning bu yil amalga oshirgan ulkan xizmatlarini inobatga olganda, u "Oltin to‘p" uchun birinchi raqamli nomzod", - deydi frantsiyalik futbolchi.

Eslatib o‘tamiz, Grizmann joriy yil UEFA Evropa ligasi, UEFA Superkubogi va Jahon chempionatida g‘olib bo‘ldi.