Lyuis Xemilton muddatdan oldin chempion bo‘ldi

"Formula-1" bo‘yicha o‘tgan AQSh Gran-prisida "Mersedes" jamoasi a’zosi Lyuis Xemilton muvaffaqiyatli ishtirok etib, joriy yilgi mavsum g‘olibiga aylandi.

"COTA" trassasida o‘tgan mazkur Gran-prida "Mersedes" poygachisi Valtteri Bottas marrani birinchi bo‘lib bosib o‘tgan bo‘lsa, jamoadoshi Lyuis Xemilton finishga ikkinchi bo‘lib etib keldi. "Red Bull" sharafini himmoya qilayotgan Maks Ferstappen ismi esa kuchli uchlikda porladi.

Shu tariqa poygani ikkinchi bo‘lib yakunlagan Xemilton o‘z hisobiga navbatdagi jahon chempioni unvonini qo‘shib qo‘ydi.