“Manchester Yunayted” “Ayaks”ni xursand qildi
“Manchester Yunayted” Niderlandiya chempionatida o‘zini ko‘rsatayotgan Donni van de Bekni olish uchun “Ayaks”ga 40 million evro taklif qildi.
Amalda bu taklif amsterdamliklarni qoniqtiradi. Chunki ular futbolchini 44 million evroga sotishni rejalashtirayotgan edi.
“Manchester Yunayted” bilan muzokarani davom ettirayotgan Donnining yana ikki yillik shartnomasi bor. 23 yoshli yarim himoyachi barcha turnirlarda 37 ta o‘yin o‘tkazib, 10 ta gol va 11 ta golli pas muallifi bo‘ldi.
Unga “Yuventus” va “Real”dan ham qiziqish bo‘lmoqda.
Fikrlar