"Manchester Yunayted" futbolchisi O‘zbekistonga qarshi o‘ynamaydi

"Manchester Yunayted" bosh murabbiyi Erik ten Xag vinger Alexandro Garnachoni U-20 Jahon chempionatiga yuborishdan bosh tortdi. 

"Yo‘q, biz Garnachoni jahon chempionatiga qo‘yib yubormaymiz. Ertaga u har doimgidek mashg‘ulotlarni davom ettiradi. Shundan so‘ng uni qachon jamoa bilan mashg‘ulotlarga va to‘liq o‘yinlarga qaytarish mumkinligini ko‘ramiz", - dedi Ten Xag matbuot anjumanida.

Garnacho joriy mavsumda premer-ligada ikkita gol urdi va ikkita golli uzatmani amalga oshirdi. 

Eslatib o‘tamiz, Argentina mezbonlik qiladigan 20 yoshgacha bo‘lganlar o‘rtasidagi jahon chempionatida O‘zbekiston terma jamoasi mezbonlar bilan bitta guruhdan joy olgan.