Marina xonim Azarning asl narxini biladi

“Chelsi” rahbariyati sobiq futbolchisi Eden Azerni ortga qaytarish bo‘yicha “Real” bilan muzokara boshlagani haqida xabarlar tarqatilgan edi.

Ma’lumotlarga qaraganda, “Chelsi” egasi Roman Abramovich belgiyalik futbolchi Angliyaga qaytsa, yana o‘yini ochilib ketishiga ishonmoqda.

Futbolchining transferi bilan ishlayotgan klub direktori Marina Granovskaya Eden Azar uchun taklif qilinadigan maksimal summani oshkor qildi. Unga ko‘ra, “aristokratlar” qishda bu o‘yinchi transferiga 34 million funtdan ortiq mablag‘ sarflamaydi.

“Real” rahbariyati esa, ikki yil oldin bu futbolchiga sarflangan 115 million evro miqdoridagi mablag‘ning ma’lum qismini qaytarib olish uchun Azarni sotib yuborishga qaror qilgan.