Matniyozova ham mag‘lub bo‘ldi. Bugungi bahslar ham medallarsiz yakunlandi

Ekaterinburg shahrida davom etayotgan dzyudo bo‘yicha katta dubulg‘a turnirining bugungi kungi bahslari vakillarimiz uchun medallarsiz yakunlandi.

Bundan biroz avval erkaklar terma jamoasidan -73 kg vazn toifasida Ulug‘bek Otamurodov va Obidxon No‘’monov, -81 kg vazn toifasida Muso Sobirov va Abbos Azizovlar turnirni muddatidan avval tark etishgandi.

Bir necha daqiqa muqaddam ayollar terma jamoasida -70 kg vazn toifasida tatamiga ko‘tarilgan vakilamiz Gulnoza Matniyozova ham 3-bosqichda turnirdagi ishtirokini yakunladi. Braziliyalik Mariya Portelyaga imkoniyatni boy berib qo‘ygan hamyurtimiz avvalgi bosqichda rossiyalik Taisiya Kireeva to‘sig‘idan muvaffaqiyatli o‘tgandi.

Ma’lumot o‘rnida, kechagi kun doirasidan o‘rin olgan bellashuvlarda -52 kg vazn toifasidagi sportchimiz Diyora Keldiyorova ham dastlabki bosqichda Sara Menezesni mag‘lub etib, ikkinchi bosqichda polshalik Agata Perenchga imkoniyatni boy berib qo‘ygandi.