Maykl Kerrik alamli mag‘lubiyatga kim aybodor ekanini aytdi

«Manchester Yunayted» bosh murabbiyi Maykl Kerrik «Brayton»ga qarshi (2:3) uchrashuvdagi mag‘lubiyat va 2026/2027 yilgi mavsum Angliya ligasi kubogidan chiqib ketish haqida fikr bildirdi. Manchesterliklar musobaqani 1/16 final bosqichida yakunladi.

- Jamoa sifatida yuz bergan voqeani qabul qila olmaymiz. Men mas'uliyatni o‘z zimmamga olaman. Ikkinchi bo‘lim oxirida qanday harakat qilganimiz — bu mening aybim. Biz barchamiz yaxshiroq bo‘lamiz. Buni qilishimiz shart.

Yakshanba kuni bizni “Fulxem”ga qarshi muhim o‘yin kutib turibdi. Biz yana g‘alaba qozonishni boshlashimiz va buni imkon qadar tezroq amalga oshirishimiz kerak. Hozirgi hissiyotlar yoqimsiz.

Biz ko‘plab jihatlar ustida ishlaymiz. Muxlislarning tanqidini to‘liq qabul qilaman. Jamoa qanday ko‘rinishda ekani, qanday o‘ynayotganimiz va ko‘rsatayotgan natijalarimiz uchun mas'uliyat menda. Buni qabul qilaman. Maqtovni ham, tanqidni ham, norozilikni ham qabul qilishga tayyorman, - deya Kerrikning so‘zlarini keltirdi Sky Sports.

Angliya Liga kubogining 1/8 finalida «Brayton» «Manchester Siti» yoki «Norvich Siti»ga qarshi o‘ynaydi. Ularning o‘zaro uchrashuvi 17 sentabr kuni bo‘lib o‘tadi.