Messi Inestadan o‘zib ketdi va Xaviga yaqinlashib oldi

Xabaringiz bor kecha "Barselona" forvardi Lionel Messi "Manchester Yunayted"ga (3:1) qarshi bahsda o‘z nomiga dubl rasmiylashtirib qo‘ydi.

Bu esa 31 yoshli argentinalik futbolchi uchun Chempionlar ligasidagi 133-o‘yin bo‘ldi. Shu tariqa u “ko‘k-anor ranglilar” safida EChLda eng ko‘p o‘yin o‘tkazgan futbolchilar ro‘yxatida Andres Inestadan o‘zib ketdi va 2-o‘ringa ko‘tarilib oldi.

Ma’lumot uchun, “Barselona” safida Chempionlar ligasida eng ko‘p o‘yinda maydonga tushgan futbolchi bu Xavi hisoblanadi. Ayni damda Qatarda to‘p surayotgan futbolchi hisobida 154ta o‘yin bor.