"Milan" - "Torino" uchrashuvi sukut bilan boshlanadi

Italiya kubogining 1/4 finalidan o‘rin olgan "Milan" va "Torino" jamoalari bahsi afsonaviy basketbolchi Kobi Brayantning xotirasiga bag‘ishlab 1 daqiqalik sukut bilan boshlanadi.

“Rossonerilar” futbolchilari esa o‘yinni qora bog‘ichlarda o‘tkazishadi.

Ma’lumot uchun, Brayant “Milan”ning uzoq yillik muxlisi hisoblanar edi.

Eslatib o‘tamiz, Kobi Brayant 26 yanvar kuni vertolyot qulashi natijasida halok bo‘ldi.