Modrich Azarga: Maydonga tushishing shart emas

"Real" yarim himoyachisi Luka Modrich jamoadoshi Eden Azar haqida qayg‘urmoqda. U sherigining kelayotgan mavsumni ham jarohatlar tufayli o‘tkazib yuborishidan xavotirda.

"Eden ajoyib yigit va professional futbolchi. Afsuski, u o‘tgan mavsum turli og‘riqlar tufayli bizga yordam bera olmadi. Ammo muxlislar undan ko‘proq narsa kutadi. Sizda qandaydir muammolar yuzaga kelishi ularni o‘ylantirmaydi.

Men Azarga: "Maydonga tushishing shart emas. Chunki senga tiklanish uchun ko‘proq vaqt kerak. Kelayotgan mavsumda o‘z darajangni ko‘rsatishing uchun jarohatlar halal bermasligi lozim", - dedim. Umid qilamanki, u terma jamoa yig‘inidan hech qanday og‘riqlarsiz qaytadi va o‘z potentsialini namoyish etadi".