Mutloq yulduzli tarkib! Turkiya grandi ikki nomdor futbolchini o‘z safiga qo‘shib oldi

Turkiyaning "Fenerbahche" klubi tarkibni kuchaytirish ishlarini jadal davom ettirmoqda. 

Istanbulliklar tarkibni Marko Asensio hamda Ederson kabi futbolchilar bilan kuchaytiradigan bo‘ldi. Ushbu transferlar hali rasman e’lon qilinmadi, ammo taniqli insayder Fabritsio Romano tasdiqladi.

Avvalroq, "Fenerbahche" "Benfika"dan Kerim Aktyurkogluni o‘z safiga qo‘shib olgandi. Shuningdek, mazkur klub safida Duran, Taliska, Fred, Shkrinyar hamda Semedu kabi nomdor futbolchilar to‘p tepadi.