MYu Varanga zo‘r va’dalar bermoqda

Marca nashrining ma’lum qilishicha, frantsiyalik himoyachi Rafael Varan shu yoz "Real"dan ketishi kutilmoqda.

28 yoshli futbolchiga "Manchester Yunayted"dan jiddiy takliflar bo‘lmoqda. “Qizil iblislar” Varan uchun Madrid klubiga 35-40 million evro to‘lashga tayyor.

Bundan tashqari MYu Varanga yaxshigina maosh ham va’da qilmoqda. Agar u “Old Trafford”ga ko‘chib o‘tsa, hozirgi maoshidan ikki barobar ko‘p pul oladi.

Rafael Varan yakunlangan mavsum “Real” safida La Ligada 31 ta o‘yinda ishtirok etdi. U ushbu uchrashuvlarda o‘z hisobiga 2 ta gol yozdirib qo‘ydi.

Varanning “qirollik klubi” bilan amaldagi shartnomasi 2022 yilga qadar imzolangan.