"Nasaf" va "Surxon" bir futbolchi uchun kurashadi!

Aleksandr Stanisavlevich faoliyatini boshqa jamoada davom ettirishga juda yaqin turibdi.

SPORTS.uz sayti jurnalisti Yahyoxo‘ja Ulug‘xo‘jaevga ma’lum bo‘lishicha, “Qizilqum” vakili bilan shaxsan Ro‘ziqul Berdievning o‘zi telefonda so‘zlashgan. Murabbiy futbolchi bilan transfer borasida fikr almashgan. Biroq “ajdarlar” hali yarim himoyachi bilan muzokara o‘tkazgani yo‘q.

Agar “Nasaf” ishni paysalga solishda davom etsa, “Surxon” Aleksandrni ilib ketishi mumkin. Hamidjon Aktamov yarim himoyachini o‘z jamoasida ko‘rishni istamoqda. Shuningdek, boshqa Superliganing “katta” jamoalari ham Stanisavlevichni o‘z tarkibida ko‘rishga qarshi emas. O‘tgan mavsumni Navoiyda o‘tkazgan futbolchining o‘zi Qarshida to‘p tepishni istamoqda.