"Navbahor" vingeri jamoani tark etishi mumkin!

"Navbahor" vingeri Muhammadali Gʻiyosov jamoani tark etishi mumkin. Futbolchiga sobiq jamoasidan taklif boʻlmoqda.

Sports.uz saytiga maʼlum boʻlishicha, Navoiyning "Qizilqum" klubi 24 yoshli futbolchini ortga qaytarmoqchi. Gʻiyosov "lochinlar" safida kam oʻyin amaliyotiga ega boʻlmoqda va shu sabab Navoiyga qaytishi mumkin. 

Eslatib oʻtamiz, Muhammadali namanganliklar safiga 2025 yil yozida kelib qoʻshilgan edi.