“Neftchi” — “Qizilqum” uchrashuvi uchun chiptalar tez fursatda sotildi!

Xabaringiz bor, “Neftchi” jamoasi 22 noyabr kuni soat 16:15'da O‘zbekiston Superligasi 29-tur doirasida Farg‘ona shahridagi “Istiqlol” markaziy stadionida Navoiyning “Qizilqum” klubini qabul qiladi.

Bugun ertalab soat 09:00 dan boshlab “Istiqlol” va Marg‘ilon shahridagi maxsus kassalarda ushbu qiziqarli uchrashuv uchun chiptalar sotuvga chiqarilgan edi. Qisqa vaqt ichida barcha chiptalar sotib bo‘lingan  va bu jarayon 2 soatdan ko‘proq davom etgan.

Ma’lumot uchun, hozirgi paytda Vitaliy Levchenko shogirdlari 61 ochko bilan turnir jadvalida peshqadam hisoblanadi.