Nihot APL to‘liq "tozalandi"

Angliya premer-ligasi futbolchilar va klub xodimlari o‘rtasida koronavirusga qarshi olingan navbatdagi test natijalarini ma’lum qildi.

Tashkilot rasmiy sayti tarqatgan xabarga ko‘ra, jami 1195 kishidan olingan testlarning barchasi manfiy natija bergan.

Ta’kidlash kerakki, o‘tkazilgan 6 ta testda jami 6274 ta inson tekshiruvdan o‘tkazildi va ularning bor yo‘g‘i 13 tasida virus qayd etildi.

APLda mavsum 17 iyundan tiklanishi aytilmoqda.