Nik Kirgios muxlislarini xursand qildi

Avstraliyalik tennischi Nik Kirgios "Katta dubulg‘a" turkumiga kiruvchi "Australian Open" turnirining ikkinchi davrasidan muvaffaqiyatli o‘tib oldi.

Nik mazkur bosqichda frantsiyalik Jil Simonga qarshi kortga tushib, yakunda 6:2, 6:4, 4:6, 7:5 hisobida zafar quchdi.

Shu tariqa, Kirgios Avstraliya ochiq chempionatining uchinchi davrasida rossiyalik Karen Xachanovga qarshi o‘yin o‘tkazadi.