Novak Jokovich o‘zining turnirini g‘alaba bilan boshladi

Dunyoning birinchi raqamli tennischisi Novak Jokovich "Adria Tour" ko‘rgazmali turniridagi ilk uchrashuvini o‘tkazdi.

Belgrad shahrida o‘tgan o‘yinda Novak hamyurti Viktor Troitskini har ikkala setda bir xil 4:1 hisobida mag‘lubiyatga uchratdi.

Shu tariqa, serb o‘g‘loni o‘zi tomonidan tashkillashtirilgan musobaqaning ikkinchi o‘yinida germaniyalik Aleksandr Zverev yoki serbiyalik Filip Krayinovichga qarshi kortga tushadi.