O'zbek futbolchisi Yevrokuboklarda sensatsiyada qatnashdi

Legionerimiz to‘p suradigan klub safarda Ispaniyaning «Xetafe» jamoasini mag‘lub etdi. Umumiy bosqichning ikkinchi turiga to‘g‘ri kelgan ushbu bellashuv Konferensiyalar Ligasi doirasida o‘tkazildi.

Uchrashuv juda gollarga boy o‘tdi va 5:2 hisobida mehmonlar foydasiga yakunlandi. Hisob 2-daqiqadayoq ochildi: Ivan Ason mezbonlarni oldinga olib chiqdi. Ammo ortidanoq, 3-daqiqada Albian Ayeti hisobni tenglashtirdi. 7-daqiqada Yanis Siminyani «Lugano»ning ikkinchi golini urdi, 26-daqiqada esa Ayeti o‘zining dublini rasmiylashtirib, shveytsariyaliklar ustunligini oshirdi.

Ikkinchi bo‘lim boshlanishi bilanoq «Lugano» yana bir bor o‘z ustunligini namoyon etdi: 50-daqiqada Uran Bislimi darvoza to‘rini ishg‘ol etib, farqni uchta golga yetkazdi. 

74-daqiqada mashhur ispan hujumchisi Borxa Mayoral «Xetafe»ning ikkinchi golini kiritib, hisobni qisqartirdi, ammo bu ispan klubini mag‘lubiyatdan qutqarishga yetarli bo‘lmadi. 

Qo‘shib berilgan vaqtda, 92-daqiqada Kevin Berens mehmonlar tomonidan beshinchi gol muallifiga aylanib, uchrashuvga yakuniy, yirik hisobni o‘rnatdi.

Behruz Karimov maydonga 75-daqiqada tushirildi va o‘yinni oxirigacha davom ettirdi.

Ikki turdan so‘ng «Lugano» 6 ochko jamg‘arib, umumiy bosqichda peshqadamlar safiga qo‘shildi. «Xetafe» esa 1 ochko bilan 23-o‘rinni egallab turibdi. 

Keyingi turda «Lugano» o‘z maydonida Litvaniyaning «Kauno Jalghiris» jamoasini qabul qiladi. Uchrashuv 6 noyabr kuni Toshkent vaqtibilan 01:00 da start oladi.