Og‘ir atletika. Terma jamoamiz a’zolari jahon chempionatiga puxta hozirlik ko‘rishmoqda

Og‘ir atletika bo‘yicha O‘zbekiston terma jamoasi jahon chempionatiga tayyorgarlikni davom ettirmoqda. Mashg‘ulotlar terma jamoaning Chirchiqdagi bazasida tashkil etilyapti. 

Bosh murabbiy Bahrom Mendiboevga ko‘ra, ko‘p bosqichli yig‘in ikkinchi bosqichiga etib kelgan bo‘lib, sportchilar umumiy jismoniy tayyorgarlikdan so‘ng maxsus bazaviy texnikalar ustida ishlashmoqda.

Eslatib o‘tamiz, mazkur tayyorgarlik joriy yilning dekabr oyida Bahrayn mezbonlik qiladigan dunyo birinchiligiga tayyorgarlik vazifasini bajarib beradi.