Osiyo chempionati. O‘zbekiston dastlab Janubiy Koreya, keyin Avstraliya bilan kuch sinashadi. Oxirgi turda esa...

Bir necha daqiqa avval OFK shtab-kvartirasida o‘smirlar o‘rtasidagi Osiyo chempionatiga qur’a tashlash marosimi bo‘lib o‘tdi.

Shu yilning kuzida Bahraynda o‘tkaziladigan chempionatning guruh bosqichida kimlar o‘rin olgani ma’lum bo‘ldi. Unga ko‘ra terma jamoamiz S guruhidan o‘rin oldi.

Hamyurtlarimiz dastlabki turni Janubiy Koreyaga qarshi o‘tkazadi. Ikkinchi o‘yinda Avstraliya bilan kuch sinashadi. Guruhdagi oxirgi uchrashuv Hindistonga qarshi o‘tadi.

Ma’lumot o‘rnida, bu yilgi o‘smirlar o‘rtasidagi qit’a birinchiligi 16 sentyabr - 3 oktyabr kunlari Bahraynda o‘tishi rejalashtirilgan.