"Osiyo kubogi U-23" saralash bosqichiga qur’a tashlandi. Kapadze shogirdlariga kimlar raqiblik qiladi?

Biroz avval 2024 yilning aprel-may oylarida Qatarda o‘tkaziladigan 23 yoshgacha bo‘lgan futbolchilar o‘rtasidagi Osiyo kubogining saralash bosqichiga qur’a tashlandi.

Unga ko‘ra, vakillarimiz "E" guruhidan joy oldi. Ushbu kvartetda olimpiyachilarimizga Afg‘oniston, Gongkong va Eron termalari raqiblik qiladi. 

Eslatib o‘tamiz, O‘zbekiston Olimpiya terma jamoasi joylashadigan guruh uchrashuvlari yurtimiz maydonlarida bo‘lib o‘tadi. O‘yinlar joriy yilning 4-12 sentyabr kunlari o‘tkazilishi rejalashtirilgan.