Osiyo oʻyinlari - 2026: Qozogʻiston va Oʻzbekistonni bitta oltin medal ajratib turibdi

O‘zbekiston terma jamoasi 2026 yilgiy yozgi Osiyo o‘yinlari medallar jadvalidа oltinchi kun yakunlariga ko‘ra Qozog‘istondan bir pog‘ona pastda bormoqda. 

Kun davomida o‘zbekistonlik sportchilar jami beshta medalni qo‘lga kiritishdi: bir oltin, uch kumush va bir bronza. Yengil atletikaning bosqon uloqtirish turida Suhrob Xo‘jaev 74,38 metrlik natija qayd etib, Osiyo o‘yinlari chempioniga aylandi.

Kumush medallar quyidagi sportchilar hissasiga to‘g‘ri keldi: kanoe bo‘yicha Vladlen Denisov, shuningdek, Shoxsanam Sherzodova – Nilufar Zokirova juftligi. Baydarkada eshkak eshish bo‘yicha ayollar terma jamoasi – Ekaterina Shubina, Arina Tanatmisheva, Milana Dushev-Yanich va Shahrizoda Mavlonovadan iborat kvartet ham ikkinchi o‘rinni egalladi. Parallell qo‘ltiqlarda bajarilgan mashqlar bo‘yicha gimnast Rasuljon Abdurahimov bronza medaliga sazovor bo‘ldi.

Shu tariqa O‘zbekiston terma jamoasining jamg‘armasida 31 ta medal to‘plandi: yetti oltin, 15 kumush va to‘qqiz bronza. Jamoa umumiy hisobda beshinchi o‘rinni egallab turibdi, bir pog‘ona yuqoriroqda joylashgan Qozog‘istondan esa eng nufuzli – oltin medallar soni bo‘yicha orqada qolmoqda.

Qozog‘iston hisobida hozircha 30 ta medal bor: sakkiz oltin, sakkiz kumush va 14 bronza. Shuningdek, O‘zbekiston umumiy medallar soni bo‘yicha qo‘shni davlatni ortda qoldirgan, biroq oltin medallar bo‘yicha bitta kam natija qayd etgan.