Oston O‘runovning jarohati qanchalik jiddiy? "Ufa" bosh murabbiyi javob berdi

Rossiya Premer-ligasi 16-turidan o‘rin olgan "Ufa" - "Spartak" uchrashuvida tomonlar 1:1 hisobidagi durangga imzo chekdi.

Mazkur bahsda Oston O‘runov jarohat olib, 25-daqiqada o‘z o‘rnini Filip Mrzlyakka bo‘shatib berdi. O‘yindan keyin tashkil etilgan matbuot anjumanida mehmonlar ustozi Aleksey Stukalov legionerimizning holati haqidagi savolga javob berdi.

Oston O‘runovning holatini qanday baholaysiz? Uning jarohati nima bilan bog‘liq?

- Menimcha, Oston jarohat olgan vaziyatda raqib futbolchisi bilan tizzasi to‘qnashib ketdi va bizga uchrashuvni davom ettira olmasligini aytdi. Umid qilamanki, jarohat jiddiy emas.