O‘zbekiston Superligasi xorij telekanallarida namoyish etilishi mumkin

Ayni paytda koronavirus tufayli chempionatlar to‘xtatilgan. Ayrim klublar va musobaqa tashkilotchilari chempionatlarni o‘tkazmaslik bo‘yicha qaror qilishgan, ba’zilar esa muxlislarsiz bo‘lsa-da, mavsumni yakunlab qo‘yishni o‘ylamoqda. Chunki teletranslyatsiyalardan katta daromad olinadi. Ammo kuchli beshlik chempionatlarida ligalar birma-bir mavsumni bekor qilmoqda.

Oxirgi kunlarda O‘zbekiston Superligasi qachon davom ettiriladi? degan savollar ko‘paygan. Agar ko‘plab chempionatlar bekor qilinsa, biz uchun katta imkoniyat bo‘lishi mumkin. Qanday deysizmi? Albatta, bu teletranslyatsiyalar bilan bog‘liq. Rossiyaning "Match TV" telekanali futbol yo‘q paytda chempionatni o‘tkazayotgan boshqa davlatlar ligasining translyatsiyasi qildi. Balki bizda ham karantindan so‘ng ommaviy sport tadbirlariga ruxsat berilsa, kamida "Match TV" boshqa chempionatlar yo‘qligi yoki kamligi uchun Superliga translyatsiya huquqini sotib olishi mumkin. Bu bizga reklama vazifasini bajarib beradi. Balki futbolchilarimiz uchun kuchli chempionatlarga eshiklar ochilar.

O‘z navbatida PFL bosh direktori o‘rinbosari Diyor Imomxo‘jaev telegramdagi sahifasida shunga ishora qildi.

O‘zbekiston jahon chempionatiga chiqish uchun Saudiya Arabistoni va Yaponiya tajribasini qo‘llagani ma’qulmi?

Odil va Eldorga jahon chempionati armon bo‘lib qolmasin

- Karantindan so‘ng uchrashuvlar ma’lum muddat muxlislarsiz o‘tkaziladi. Faqat bitta shart bilan — uchrashuvlarning barchasi, albatta, jonli namoyish etilishi kerak. Bu birinchi navbatda O‘zPFL hamda klublar tomonidan imzolangan homiylik shartnomalari shartlarini himoya qiladi, ikkinchi navbatda muxlislar uchrashuvlarni bevosita ko‘ra olish imkoniga ega bo‘ladi va tabiiyki, shaffoflik yuzaga chiqadi. Uchinchi tomondan esa Evropaning bir qator chempionatlarida tanaffus ekani kutilmaganda katta e’tiborning O‘zbekistonga qaratilishiga turtki bo‘lishi mumkin, - dedi PFL vakili.

Demak, barchasi o‘zimizga bog‘liq. Uyda qolib, karantin qoidalariga rioya qilsak, tezroq bu virusdan qutulamiz. Karantin tugagach esa futbol bahslaridan yana bahramand bo‘lishimiz mumkin.