O‘zbekiston terma jamoasi Rossiya, Bolgariya, "Shaxtyor" va boshqalar bilan o‘rtoqlik o‘yini o‘tkazadi

Xabaringiz bor, shu yilning oktyabr oyida O‘zbekistonda 19 yoshgacha bo‘lgan futbolchilar o‘rtasida Osiyo chempionati final bosqichi bo‘lib o‘tadi.

Unda ishtirok etadigan Timur Kapadze boshchiligidagi yoshlar terma jamoamiz qizg‘in tayyorgarlik ishlarini olib bormoqda.

Terma jamoamiz har oy yig‘inlar tashkil etmoqda. Navbatdagi o‘quv-mashg‘ulot yig‘ini ertaga, 29 yanvar kuni start oladi. Timur Kapadze boshchiligidagi jamoamiz 2 kun davomida Toshkentda mashg‘ulotlar olib boradi va so‘ngra 31 yanvarda Turkiyaga yo‘l oladi. Bu haqda O‘FA matbuot xizmati xabar berdi.

Turkiyada tashkil etiladigan yig‘in 12 fevralga qadar davom etadi. Yig‘in doirasida 5 ta o‘rtoqlik o‘yini ham tashkil etiladi.
O‘rtoqlik o‘yinlaridagi raqiblar:

2 fevral – Bolgariya U-19

4 fevral – “Levski Sofiya” (Bolgariya)

6 fevral – Bolgariya U-19

8 fevral – “Shaxtyor” U-21 (Ukraina)

11 fevral – Rossiya U-19