Para stol tennischilarimiz Finlyandiyadagi xalqaro musobaqada ishtirok etadi

7-11 sentyabr kunlari Finlyandiyaning Nastola shahrida para stol tennisi bo‘yicha “Finland Para Open 2022” xalqaro musobaqasi bo‘lib o‘tadi.

Bugun para stol tennisi bo‘yicha O‘zbekiston terma jamoasi a’zolari ham ushbu nufuzli musobaqada ishtirok etish uchun Finlyandiyaga jo‘nab ketdi.

“Finland Para Open 2022” turnirida Rasul Atamuratov hamda Sunatillo Murodullaev yurtimiz sharafini himoya qiladi.