Pogba agentiga qanday shart qo‘ydi?

"Manchester Yunayted" yarim himoyachisi Pol Pogba agenti Mino Rayoladan o‘ziga boshqa jamoa topishni talab qilmoqda.

Bild nashri tarqatgan xabarga ko‘ra, agar Rayola frantsiyalik futbolchining talabini bajarmasa, u o‘ziga boshqa agent yollashi mumkin. O‘z navbatida “qizil iblislar” ham Pogbani yaqinlashib kelayotgan qishki transferlar davrida sotib yubormoqchi.

MYu Pogbani 2016 yil 105 mln evro evaziga “Yuventus”dan sotib olgan edi. U joriy mavsum 14 ta o‘yinda maydonga tushdi va 2 ta gol urdi. Uning klub bilan amaldagi shartnomasi 2022 yilga qadar imzolangan.