Puli yo‘q “Barsa” 100 million evrolik superfutbolchini olmoqchi

“Barselona” bir necha yildan beri moliyaviy inqirozdan chiqib keta olmayapti. Keyingi yillarda kataloniyaliklar asosisan narxi pasaygan yoki erkin agentga aylangan futbolchilarni transfer qilyapti.

Shunga qaramay, yozda “Barselona” Bundesliganing eng zo‘r futbolchilaridan hisoblangan Florian Virtsni o‘z safiga qo‘shib olmoqchi.

20 yoshli yarim himoyachi “Bayer”ning etakchi o‘yinchisi hisoblanadi. Leverkuzenliklar bu o‘yinchi bo‘yicha bir necha klubda taklif olishi kutilmoqda.

Klub Florian Virtsni 100 million evrodan kamiga qo‘yib yubormaydi. Virtsning amaldagi shartnomasi 2027 yilning yarmigacha tuzilgan.