Qishda ketadigan uch yulduz nomi aniq bo‘ldi

Londonning «Chelsi» klubi ko‘p yillardan beri tarkibning haddan tashqari kattaligi muammosiga duch kelmoqda. Qishki transfer oynasi yaqinlashayotgan bir paytda klub yana bir bor tarkib bo‘yicha jiddiy qarorlar qabul qilishiga to‘g‘ri keladi.

«Chelsi» yarim himoya chizig‘ini kuchaytirishni rejalashtirmoqda. Xabi Alonso rejalariда bu boradagi asosiy maqsad Aleks Skott bo‘lib qolmoqda. Shuningdek, yangi himoyachilarni sotib olish imkoniyati ham ko‘rib chiqilmoqda. Shu sababli klub yangi futbolchilar uchun tarkibda joy bo‘shatishi kerak.

The Standard nashri yanvar oyida klubni tark etgani ma’qul bo‘lgan uch futbolchini ajratib ko‘rsatdi. Ular jamoasini o‘zgartirish orqali faoliyatini qayta yo‘lga qo‘yishi yoki saqlab qolishi mumkin.

Malo Gyusto – fransiyalik qanot himoyachisi vaqti-vaqti bilan yorqin o‘yin ko‘rsatgan bo‘lsa-da, jamoaning asosiy tarkibidagi mustahkam o‘rnini saqlab qola olmadi. Xabi Alonso taktik sxemalarida qanot himoyachilari va himoya chizig‘ida Ris Jeyms, Josh Achimpong hamda Marko Palestraga ustunlik berilishi mumkin. Shu sababli Gyusto tarkibdagi to‘rtinchi tanlovga aylanib qolish xavfi ostida.

Valentin Barko – argentinalik yosh yarim himoyachi yaqindagina «Strasburg»dan London klubiga kelib qo‘shildi. Biroq maydon markazidagi kuchli raqobat uning muntazam o‘yin vaqti olish imkoniyatini cheklamoqda. Rivojlanishda davom etishi uchun iqtidorli futbolchiga muntazam o‘yin amaliyoti zarur. «Chelsi» tarkibidagi raqobat kuchli bo‘lgan sharoitda bunday imkoniyatga ega bo‘lish juda qiyin.

Jeymi Gittens – Dortmundning «Borussiya» klubidan «Chelsi»ga katta umidlar bilan kelgan futbolchi hujum chizig‘idagi keskin raqobat uning barqaror o‘yin ko‘rsatishiga to‘sqinlik qilmoqda. Estevao va Jeovani Kenda ham muntazam maydonga tushishni istamoqda. Ular hujumda bir-birini almashtirib o‘ynayotganи sababli angliyalik futbolchiga yetarlicha imkoniyat qolmayapti.