Rasman! "Andijon" o‘z safiga asli germaniyalik futbolchini qo‘shib oldi

Coca Cola Superligasi yangi mavsumi uchun tayyorgarlikni qizg‘in olib borayotgan "Andijon" klubi o‘z safiga yana bir futbolchi qo‘shib oldi. Bu haqda klub matbuot xizmati xabar tarqatdi:

"Jamoamiz tarkibida, yig‘inlarda ishtirok etayotgan asli Germaniyalik bo‘lgan Qirg‘iziston terma jamoasi a’zosi Edgar Bernhardt jamoamiz bilan shartnoma imzoladi.

Edgar Bernhardtga ushbu mavsumda jamoamiz safida ajoyib natijalar ko‘rsatishini tilab qolamiz.

Welcome to Andijan, Edgar Bernhardt",-deya yozib qoldirdi "burgutlar" rasmiy "Telegram" kanali.

Ma’lumot uchun, vodiyliklar Superliga dastlabki turini "Qizilqum" maydonda o‘tkazadi.