Rasman! Joau Felish "Chelsi" futbolchisi

Portugaliyalik Joau Felish rasman "Chelsi" futbolchisiga aylandi. "Aristokratlar" futbolchining ijarasi uchun 10 milllion evro sarfladi va uning oylik maoshini ham to‘liq to‘laydi.

Shartnomaga ko‘ra, vinger 6 oyni Londonda o‘tkazadi va "Atletiko"ga qaytadi. U Madrid klubi bilan amaldagi shartnomasini 2027 yilgacha uzaytirdi ham.

Portugaliyalik futbolchi jamoa bosh murabbiyi Diego Simeone bilan aloqalari yomonlashgach, klubni tark etishi aniq bo‘lgandi. Yozda argentinalik mutaxassisning "Atletiko"dan ketishi kutilmoqda.