Rasman! "Napoli" Evropa chempioni bilan shartnomani uzaytirdi

"Napoli" klubi o‘zining rasmiy sayti orqali o‘ng qanot himoyachisi Jovanni Di Lorentso bilan amaldagi shartnomani uzaytirganini e’lon qildi.

Yuqoridagi manbaga ko‘ra, tomonlar 2026 yilga qadar tuzilgan shartnomaga imzo chekgan.

Di Lorentso "Napoli" safida 2019 yilning yozidan buyon o‘ynab kelmoqda. U o‘tgan ikki mavsum davomida 95 ta o‘yinda maydonga tushdi va o‘z hisobiga 7 ta gol hamda 15 ta golli uzatma yozdirib qo‘ydi.

Jovanni Di Lorentso Italiya terma jamoasi a’zosi hisoblanadi. U yaqinda “Skuadra Adzurra” safida Evropa chempioni bo‘ldi.