Ravshan Haydarov Gvatemaladan ustun tomonimizni aytdi

20 yoshgacha bo‘lgan futbolchilar o‘rtasidagi jahon chempionati 3-turidan o‘rin olgan O‘zbekiston - Gvatemala bahsi bo‘lib o‘tdi. Unda vakillarimiz 2:0 hisobida g‘alaba qozondi. 

Termamiz safida Ne’matjonov dubl muallifiga aylandi. 

Bellashuvdan so‘ng termamiz bosh murabbiyi Ravshan Haydarov o‘yin haqida o‘z fikrlari bilan o‘rtoqlashdi va keyingi bosqichga tayyorgarlikni bugundan boshlash kerakligini ta’kidladi: 

- Avvalambor, oldimizga qo‘yilgan vazifani bajarganimiz uchun yigitlarga rahmat aytmoqchiman. Sababi, keyingi bosqich yo‘llanmasi o‘tgan bellashuvda durang o‘ynaganimiz tufayli mavhumligicha qolayotgandi.

- O‘yin va o‘yinga bo‘lgan munosabat borasida ham Gvatemala termasidan ustun bo‘ldik va bu hisobda ham aks etdi. Albatta, keyingi bosqich o‘yinlari bundan ham shiddatli bo‘ladi. Tayyorgarlikni bugundan boshlaymiz.