"Real" derbida mag‘lub bo‘lib, ikkinchi o‘ringa tushib ketdi (video)

Ispaniya La Ligasining 13-turidan o‘rin olgan "Rayo Valekano" va "Real" jamoalari o‘rtasidagi o‘yin bo‘lib o‘tdi. Mazkur bahsda maydon egalari 3:2 hisobida g‘alaba qozondi.

"Qirollik klubi"dan Modrich va Militao gol urgan bo‘lsa, mezbonlardan Garsiya, Trexo va Komensanya o‘z nomini tabloga yozdirib qo‘ydi.

Shu tariqa, Anchelotti shogirdlari La Liganing joriy mavsumidagi ilk mag‘lubiyatni qabul qilib oldi va ikkinchi o‘ringa tushib ketdi.