"Real" futbolchilari mag‘lubiyatga bir holat sabab deya hisoblashmoqda

"Real Madrid" klubi futbolchilari "Barselona"dan og‘ir mag‘lubiyatga uchraganidan so‘ng tushkunlikka tushishgani yo‘q.

"El Chiringuito" efirida xabar bergan ichki manbalarning so‘zlariga ko‘ra, jamoa kiyinish xonasida "klasiko"dagi 0:4 hisobidan keyin o‘zlarini "sharmandali mag‘lub bo‘lganlar" deb his qilishmayapti.

Futbolchilar bunday hisobni asosan hujumlarni yakunlashdagi aniqlikning etishmasligi bilan bog‘liq deb hisoblashmoqda.

Shuningdek, jurnalist Karlo Anchelottining o‘yindan keyingi so‘zlarini keltirdi: "Keling, raqobatbardosh ruhimizni saqlab qolaylik. Endi boshni chalg‘itib, ongni tozalash payti keldi".