"Real" Karvaxalning jarohati bo‘yicha rasmiy bayonot berdi

Madridning "Real" klubi o‘ng qanot himoyachisi Daniel Karvaxalning Ispaniya chempionati 9-turida "Vilyarreal"ga (2:0) qarshi uchrashuvda olgan jarohati borasida rasmiy bayonot berdi.

“O‘tkazilgan tibbiy tekshiruvlardan so‘ng Dani Karvaxalda xochsimon bog‘lam, tashqi tayanch bog‘lam va o‘ng oyog‘ining son payi yirtilgani aniqlandi. U yaqin kunlarda operatsiya qilinadi”, — deyiladi rasmiy xabarda.

"Vilyarreal" bilan o‘yinda Karvaxal raqib jamoa vingeri Yeremi Pino bilan bo‘lgan to‘qnashuvdan so‘ng darhol og‘riqdan baqirib yubordi. Ispaniyalik futbolchi maydonni zambilda tark etdi.