"Real": Manchesterliklar "yulduzchasi" aniq bizga keladi

«Real Madrid» mutasaddilari «Manchester Yunayted»ning  16 yoshli yarim himoyachisi Jey-Jey Gabriyelni qo‘lga kiritish bo‘yicha klubni yetakchi pozitsiyada deb hisoblamoqda. Unga asosiy raqobatchi sifatida «Barselona» ko‘rsatilmoqda, ammo madridliklar faol ish olib boryapti va kelishuvni amalga oshirishga ishonmoqda.

Ma’lumotlarga ko‘ra, Gabriyel 15 sentabr kuni «Yunayted» rahbariyatiga shartnomani bekor qilish haqida rasmiy ariza topshirgan. Bu qarorga klubning unga va’da qilingan asosiy tarkibdagi o‘yin amaliyotini ta’minlamagani sabab bo‘lgan. Qiziqishi shundaki, o‘tgan mavsumda u yoshlar chempionatida eng yaxshi futbolchi deb topilgan, garchi musobaqani atigi 14 yoshda boshlagan bo‘lsa-da.

Gabriyel oilasi «Yunayted»ga shartnomani uzaytirish uchun beshta talab yuborgan. Ular orasida — 77-raqamli formada orqa qismiga Gabriel Jr yozuvini qo‘yish, Maykl Karrik boshqaruvidagi asosiy jamoa bilan doimiy mashg‘ulotlar, Chempionlar ligasi, Liga kubogi va Premyer-liga o‘yinlarida har bir o‘yinda kamida 20 daqiqa maydonga tushirish, shuningdek, yetti raqamli maosh miqdori kabi shartlar bor edi. INEOS rahbariyati bu talablarni qabul qilmadi.

Futbolchining otasi orqali Irlandiya fuqaroligiga ega ekani esa uning yanvar oyidayoq klubni erkin tark etishiga yo‘l ochadi. Bunday holatda «Yunayted» Ispaniyaga o‘tishi uchun faqat 350 ming funt miqdorida kompensatsiya oladi, Angliyada qolgan taqdirda esa bu summa kamida uch million funtni tashkil etar edi.