“Real” UEFA bilan Superliga masalasida kelishib oldi

"Real Madrid" rasmiy saytida Yevropa Superligasi masalasida UEFA bilan kelishib olganligi haqida xabar berildi. Madrid klubi avvalroq ushbu turnirni tashkil etish zarurligi g‘oyasini eng faol ilgari surgan edi.

"UEFA, Yevropa futbol klublari va Madridning "Real" klubi Yevropa klublari futboli foydasiga kelishuvga erishdi.

Yevropa futboli manfaatlari yo‘lida olib borilgan bir necha oylik muhokamalardan so‘ng UEFA, Yevropa futbol klublari assotsiatsiyasi (EFC) va Madridning "Real" klubi klublarning uzoq muddatli barqarorligi va texnologiyalardan foydalanish orqali muxlislarning taassurotlarini yaxshilashga e’tibor qaratgan holda Yevropa klublari futbolining farovonligiga hissa qo‘shadigan tamoyillar bo‘yicha kelishuvga erishilganini e’lon qiladi.

Ushbu printsipial kelishuv Yevropa Superligasi bilan bog‘liq yuridik nizolarni ushbu tamoyillar amalga oshirilib, hayotga tatbiq etilgandan so‘ng hal qilishga ham xizmat qiladi", - deyiladi "qaymoqranglilar" xabarida.