"Real"da bu futbolchiga "tegib bo‘lmaydi". Yoxud Zidanning yoqimtoyi kim? (FOTO)

"Real" Madrid klubi murabbiylar shtabi jamoaning braziliyalik yarim himoyachisi Kazemiroga "daxlsiz" maqomini berishdi. Bu haqda Marca nashri xabar tarqatmoqda.

Yuqoridagi manbaga ko‘ra, bosh murabbiy Zinedin Zidan 28 yoshli futbolchini jamoaning asosiy o‘yinchilaridan biri deb hisoblaydi va shu bois uni hali beri qo‘yib yubormaydi. Hatto, jamoaga Pol Pogba yoki Eduardo Kamavinga kabi futbolchilar kelgan taqdirda ham, Kazemiro asosiy futbolchi bo‘lib qolaveradi.

Kazemiro "Real" safiga 2013 yil "San-Paulu"dan ko‘chib o‘tgan edi. Uning klub bilan amaldagi shartnomasi 2023 yilga qadar imzolangan.