
“Real”da Ispaniyaning butun zamonlardagi rekordi o‘rnatildi
Ispaniya chempionatining ettinchi turida “Real” o‘z maydonida “Alaves”ni qabul qilib, o‘yinda 3:2 hisobida zafar quchdi.
Bu g‘alaba bosh murabbiy Karlo Anchelottini Ispaniya futbolida butun zamonlar rekordini o‘rnatishiga sabab bo‘ldi. Gap shundaki, italiyalik mutaxassis qo‘l ostida “Real” mag‘lubiyatsiz seriyasini 39 taga etkazdi.
Anchelotti La Ligada bir jamoaning eng uzun mag‘lubiyatsiz seriyasini ta’minlagan birinchi murabbiyga aylandi. Avvalgi rekord “Real Sosedad” ustozi Alberto Ormaecheaga tegishli bo‘liyu, 1979-1980 yillar davomida uning jamoasi 38 ta uchrashuvdan iborat mag‘lubiyatsiz seriya qayd etgan.
Ispaniya chempionati tarixidagi eng uzun mag‘lubiyatsiz seriya “Barselona”ga tegishli bo‘lib, u 43 ta o‘yindan iborat bo‘lgan. 2017-2018 yillar qayd etilgan bu rekord o‘rnatilgan paytda Kataloniya jamoasini ikki mutaxassis – Luis Enrike va Erneston Valverde boshqargan.
Fikrlar