"Roma" finaldagi raqibi - "Feyenoord"ning asosiy futbolchisini ko‘zlamoqda

"Feyenoord"ning turkiyalik yarim himoyachisi Orkun Kyokchyu “Roma”ning e’tiboriga tushdi.

Leggo nashri xabariga ko‘ra, 21 yoshli futbolchi shu yoz “Roma”dan ketishi kutilayotgan Jordan Veretu o‘rnini egallashi kutilmoqda.

Kyokchyu - ko‘p qirrali o‘yinchi. U maydonni ko‘rish va uzoq masofadan yaxshi zarba berish qobiliyatiga ega. U joriy mavsum “Feyenoord” safida 7 ta gol urishga erishdi.

Orkunning ayni damdagi transfer narxi 25 million evroga baholanmoqda.

Eslatib o‘tamiz, "Feyenoord" Konferentsiyalar ligasi finalida aynan "Roma"ga qarshi bahs olib boradi.