Ronaldu: Mbappe, “Real” senga PSJ emas!

Jahon futbolida eng ko‘p to‘p kiritgan Krishtianu Ronaldu “Real”ga ko‘chib o‘tgan Kilian Mbappe haqida fikr bildirdi.

Besh karra “Oltin to‘p” sohibi frantsiyalik futbolchini “Real” o‘yinchilariga tushadigan bosimlarga bardoshli bo‘lishga chaqirdi. 

- Mbappening “Real”ga o‘tgani haqida nima deyishim mumkin? “Real” bu PSJ emas. Bu erda bosim umuman boshqacha. Lekin Kilian hammasini uddalashiga ishonaman, - dedi Krishtianu Ronaldu.

Ma’lumki, portugaliyalik hujumchi eng yorqin davrlarini “Real”da o‘tkazgan va madridliklar safida 450 ta gol urgan.

Kilian Mbappe esa, Ronalduning muxlisi hisoblanadi va uni hurmat qilishini bir necha bor e’tirof etgan.