Ronaldu Yamal haqida qattiq gapirdi

Germaniya mezbonlik qilgan Portugaliya va Ispaniya terma jamoalari o‘rtasidagi Millatlar ligasi finalida jahon futbolining ikki yorqin vakili – Krishtianu Ronaldu va Lamin Yamal o‘zaro to‘qnashdi.

Bu gal bosh sovrin portugaliyaliklarga nasib qildi.

Bu uchrashuvda bir nechta rekordlarni yangilagan Krishtianu Ronaldu bellashuvdan keyin  ispaniyaliklar etakchisi Lamin Yamal haqida gapirdi.  

- Yamal hali juda ko‘p yutuqlarni qo‘lga kiritadi, bular ham jamoaviy, ham individual sovrinlar bo‘ladi. U hali 17 yoshda va hammasi oldinda.

Yana bir bor takrorlayman, Lamin o‘sish uchun juda katta salohiyatga ega.  U fenomen, lekin bu o‘yinchini o‘z holiga qo‘yish kerak. Men doim shuni so‘rab kelaman.

Oldinda uni hali uzoq faoliyat kutib turibdi, balki hali Millatlar ligasida bir necha marotaba g‘olib ham chiqar, - dedi Krishtianu Ronaldu.

Ta’kidlash lozimki, Ispaniya o‘zi ishtirok etgan Millatlar ligasining uchta finalidan ikkitasida imkoniyatni boy bergan. Portugaliya esa, uchinchi urinishdan ikkitasida bosh sovrinni o‘ziniki qildi.