Rossiyalik sportchilar "ATP Cup"da g‘alaba qozondi
Javokhir Azimov
G‘olib tomon 4,5 mln dollarni qo‘lga kiritdi.
Avstraliyaning Melburn shahri tennis bo‘yicha erkaklar o‘rtasidagi "ATP Cup" musobaqasini qabul qildi.
Yakkalik bahslarida finalga Rossiya va Italiyadan tashrif buyurgan sportchilar etib keldi. Yakunda rossiyalik tennischilar 2:0 hisobida g‘alaba qozongan holda, sovrinni boshi uzra baland ko‘tardi. Birinchi o‘yinda Andrey Rublyov hamda Fabio Fonini kortga chiqdi. O‘yin Rubyolvning 6:1, 6:2 hisobidagi g‘alabasi bilan yakunlandi.
Ikkinchi uchrashuvda Daniil Medvedov Matteo Berrettini bilan o‘zaro munosabatlarga oydinlik kiritib oldi. Ushbu bahsda ham rus tennischisining qo‘li baland keldi. Yakuniy hisob: 6:4, 6:2.
Izohlar (0)