Salohning Terri Anri bilan tenglashishiga oz qoldi!
Kecha APL 38-tur doirasida "Liverpul" "Vulverxempton"ni 3:1 hisobida mag‘lub etdi. Ushbu bahsda mersisaydliklar futbolchisi Muhammad Saloh bitta gol urishga erishdi.
Shu tariqa, uning chempionatdagi umumiy gollari 23 taga etdi va "Tottenxem" vakili Son Xin Min bilan birga "Oltin butsa"ni qo‘lga kiritdi. Qayd etish lozim, bu misrlikning faoliyatidagi uchinchi "Oltin butsa"si hisoblanadi.
Bu borada u Xarri Keyn va Alan Shirerga etib oldi. Salohdan oldinda faqat Terri Anri joy olgan. "Arsenal" afsonasi 4 marotaba APLda eng yaxshi to‘purarga aylangan.
Fikrlar