Sancho top-5 dagi eng yaxshi ko‘rsatkichni qayd etdi

Ayni damda Bundesliganing 19-turidan o‘rin olgan "Borussiya D" va "Kyoln" qarama-qarshiligi bo‘lib o‘tmoqda.

Uchrashuvda birinchi bo‘lim o‘z nihoyasiga etdi va mezbonlar 2:0 hisobida oldinda borishmoqda.

Ushbu bahsda dortmundliklar futbolchisi Jeydon Sancho golli uzatmani amalga oshirdi. Bu assistentlik angliyalik futbolchi uchun 2018/19 yilgi mavsum boshidan buyon 25-si bo‘ldi va top-5 ligalardagi eng yaxshi ko‘rsatkichga ega bo‘lib oldi.

Ma’lumot uchun, Sancho Bundesliganing joriy mavsumida 17 ta uchrashuv o‘tkazib, 10 ta gol urdi va yana 11 ta assistentlik vazifasini bajardi.