“Santos” Neymar sabab o‘yin natijasi bekor qilmoqchi

Neymar o‘ynayotgan “Santos” Braziliya chempionati A seriyasining 16-turida “Koritiba”ga qarshi o‘z maydonida o‘tkazilgan o‘yin natijasini bekor qilishni talab qilmoqda. Uchrashuv raqib jamoasining 3:0 hisobidagi g‘alabasi bilan yakunlangan.

- Yuridik bo‘lim 17 may kuni Braziliya chempionatining 16-turi doirasida “Koritiba”ga qarshi o‘tkazilgan o‘yinni bekor qilish talabi bilan Oliy sport sudiga da’vo arizasi kiritganini ma’lum qiladi.

Klubning fikricha, hakam Neymarga maydonda qolishga ruxsat bermaganida huquqiy xato sodir etilgan. Bu murabbiylar shtabi ko‘rsatmalariga zid bo‘lgan va futbolchilarni almashtirish bo‘yicha rasmiy protokolni buzgan.

Bahs mavzusi o‘yinning texnik ijrosi yoki natijasi emas, balki klub manfaatlarini himoya qilish va FIFA qoidalariga rioya etilishidir, -  deyiladi “Santos” bayonotida.

Hodisa ikkinchi bo‘limning 19-daqiqasida sodir bo‘lgan. Neymar boldir mushagidagi muammo sabab unga tibbiy yordam ko‘rsatilayotganligi uchun maydon tashqarisida turgan paytda, to‘rtinchi hakam almashtirishni ko‘rsatuvchi tabloni ko‘targan: Neymar o‘rniga Robinho Junior maydonga tushishi kerak edi.

“Santos”dagilarning ta’kidlashicha, aslida Neymar emas, balki Eskobar almashtirilishi kerak bo‘lgan. Voqeadan g‘azablangan Neymar maydonga qaytishga urinib va shu sababli sariq kartochka olgan. Shundan so‘ng, u to‘rtinchi hakamga berilganini aytgan qog‘ozni ko‘rsatgan, unda argentinalik o‘yinchini almashtirish haqida ma’lumot bo‘lgan. Hakamlar brigadasi o‘z qarorini bekor qila olmagani sababli, hujumchi o‘yinni muddatidan avval yakunlashga majbur bo‘lgan.