Saudiya Arabistoni Pro-ligasida Ronalduning noroziligi yuzasidan bayonot berildi

Saudiya Arabistoni Pro-Ligasi vakili "An-Nasr" hujumchisi Krishtianu Ronalduning transfer oynasida jamoaning kuchayishidan norozi bo‘layotgani haqidagi ma’lumotga izoh berdi. Avvalroq OAVda portugaliyalik ushbu sababga ko‘ra "An-Nasr" o‘yinlarini boykot qilishga, shuningdek, yozda klubni tark etishga tayyorligi haqida xabarlar tarqalgan edi.

"Saudiya Arabistoni professional ligasi oddiy printsip asosida qurilgan: har bir klub bir xil qoidalar asosida mustaqil harakat qiladi.

Klublarning o‘z direktorlar kengashi, o‘z rahbarlari va o‘z futbol rahbariyati bor. O‘yinchilarni yollash, xarajatlar va strategiya bo‘yicha qarorlar ushbu klublar tomonidan barqarorlik va raqobatbardosh muvozanatni ta’minlashga qaratilgan moliyaviy tuzilma doirasida qabul qilinadi. Ushbu tuzilma butun liga uchun teng ravishda qo‘llaniladi.

Krishtianu kelganidan beri "An-Nasr" hayotiga to‘liq jalb qilingan va klubning rivojlanishi va ambitsiyalarida muhim rol o‘ynagan. Har qanday yuqori malakali sportchi kabi, u ham g‘alaba qozonishni istaydi. Ammo hech bir inson - u qanchalik muhim bo‘lmasin - o‘z klubidan tashqarida qaror qabul qilmaydi.

So‘nggi transfer faolligi bu mustaqillikni yaqqol ko‘rsatib turibdi. Bir klub o‘z pozitsiyasini ma’lum tarzda mustahkamladi. Boshqasi esa boshqacha yo‘l tutdi. Bu klublarning tasdiqlangan moliyaviy parametrlar doirasida qabul qilingan qarorlari edi."