Sensatsiya: Neymar “Barsa”ning ashaddiy raqibi “Real”ga o‘tadigan bo‘lyapti
Neymarning bu ishi katta shov-shuv keltirib chiqarishi mumkin
Saudiya Arabistonining “Al-Hilol” klubi katta maosh olayotgan, lekin jarohatlar tufayli jamoaga kutilgan darajada yordam bera olmayotgan Neymar bilan orani ochiq qilishga urinmoqda.
Braziliyalik yulduzning o‘zi ham Osiyo futbolini tark etish borasida bir qarorga kelib bo‘lgan.
Avvalroq, 32 yoshli o‘yinchining AQSh yoki Braziliyaga ketishi haqida ma’lumotlar chiqarilgan edi.
Todofichajes nashrining ma’lum qilishicha, Neymarning fikri o‘zgargan. U Ispaniya chempionatiga qaytishni orzu qilyapti. Bu safar mashhur hujumchi o‘zi o‘ynagan “Barselona”ga emas, balki ashaddiy raqib “Real” safiga qo‘shilmoqchi.
Manbaning ta’kidlashicha, Neymar hamyurti Vinisius Junior va PSJda o‘zi bilan birga to‘p tepgan Kilian Mbappening yonida o‘ynashni mo‘ljallayapti.
Izohlar (0)